張松枝無悔： 太太同我講：『如果你唔出去博，你會唔開心』

有「御用二世祖」之稱的張松枝，在無綫工作了18年，看着一個大家庭因制度變成冰冷沒感情的公司，為追尋夢想，張松枝放棄穩定收入過檔香港電視，跟王維基有共同理想，得知港視未獲發牌即時失去方向，幸有家人支持，可繼續追隨王維基，高呼還我一個電視夢！

「喺無綫18年，後生時好有衝勁，就算有唔開心、困難都好易過，因為有夢想，嗰時公司都似大家庭，但去到中段開始有改變，同同事有啲疏離，感覺有啲鬥爭，做得冇咁開心，但亦有班好同事，所以繼續做，去到尾段，政策上改變令我唔係咁接受，同以前爭好遠，再唔係家庭，變咗一間公司，制度令同事間疏離，所以選擇離開。」

「做咗12年都冇加我人工，每次傾續約都話政策係咁，我哋係小演員，根本控制唔到，生活上，人工唔多要慳住用，有時好彩爆到騷，之後幾個月咪可以寬鬆少少，如果冇就要慳，畀埋家用，所剩無幾。」

「喺無綫拍劇好多時廠景接外景，外景接廠景，試過只得15分鐘休息，好彩有兩場冇咪可以瞓耐啲囉，拍《回到三國》最辛苦，天氣熱又要着盔甲，打兩吓已經濕晒，又脫水，冇晒體力，有次差啲休克。可能我唔好彩，撞正最低工資嗰段時間，臨時演員罷工，劇組急call十個訓練班同學、五個武師頂替五十個臨時演員，嗰場戲講我一個打好多個，唔可以每個鏡頭都見到佢哋，因為我殺完佢冇可能無限復活，所以鏡頭主要對住我，即係全日都係得我打，特別辛苦。」

「加入港視，老闆王維基同我哋講方向、製作、未來會點，聽到覺得自己有個新希望，家人初時都擔心，如果喺無綫有穩定人工，但我太太講：『如果你唔出去博，你會唔開心。』佢覺得我唔開心。知道發唔到牌，我可以用震驚嚟形容，好灰，點會咁0架！可以唔發牌但又冇解釋，個人冇晒方向，乜都可以發生，唔係預計之內，我太太話：『老公，你放心，船到橋頭自然直。』佢安慰番我，家人支持令我冇咁失落。」

「我仲有8個月就約滿港視，之後條路點行，到時再諗，我會睇王生頭，雖然發牌轉機好渺茫，但我都要講，希望政府可以畀番個夢想我！」

【微视频】打击新闻人员 周永康案前恐吓民众

来源：http://ift.tt/1BOt96F

【新唐人2014年11月20日讯】赵培：这个星期以来，中共对于网路媒体人和记者打击出现了一波高潮。11月18号，网名是〝立二拆四〞的网路推手杨秀宇以〝非法经营罪〞公开审判。中共的媒体紧跟着就是一轮口

相关联接：

新唐人电视台 http://www.ntdtv.com

习近平 http://ift.tt/WroxwQ

新闻 http://ift.tt/YG5sbY

周永康案 http://ift.tt/1n4a8mS

江泽民 http://ift.tt/YbaZo6

恐吓民众 http://ift.tt/1zKIdvx

The post 張松枝無悔： 太太同我講：『如果你唔出去博，你會唔開心』 appeared first on MoneyMindConcept.

from WordPress http://ift.tt/1A78cT5

via IFTTT